Нæ программæ райдайдзыстæм Цæгат Ирыстоны хицауады кадрты ивддзинæдтæй. Алыбегты Эллæ сси республикæйы хицауады сæрдары хæдивæг. Раздæр, 2021-æм азæй разамынд лæвæрдта регионы ахуырад æмæ наукæйы министрадæн. Андрей Швецов нысангонд æрцыд Цæгат Ирыстоны ахуырад æмæ наукæйы министры хæстæ æххæстгæнæгæй. Уый размæ уыд министры хæдивæг. Сæрмагонд Указтæ бафыста Сергей Меняйло. Регионы разамонæг стыр аргъ скодта ахуырад æмæ наукæйы министрады куыстæн, фæнысан кодта фæстаг азты ахадгæ æнтыстдзинæдтæ: инфраструктурæ — 15 млрд сомæй фылдæр раздæхтой 167 объекты бындурон цалцæгæн, скъолаты æмæ сывæллæтты рæвдауæндæтты арæзт æрцыд 7 мин ног бынатæй фылдæр, байгом сты «Кванториумтæ», «Рæзты тæлмтæ» æмæ IT-кубтӕ. Фæсивæд архайынц уæлæмхасæн ахуырады, арæзт æрцыд 833 профилон къласы, фидаргонд ӕрцыдысты ахадгæ программӕтæ, сæ иу «Профессионалитет». Федералон хыгъдмæ хаст æрцыд ирон æвзаг æмæ литературæйы чингуыты линейкæ, уыимæ «Ирыстоны Историйы» чиныг. Республикӕйы сӕргълӕууӕг загъта, ныфс æй кæй ис, ахуырады системæйы райрæзтыл дарддæр куыст кæй цæудзæн, уымæй.
