ЦИПУ-йы студентты æмæ педагогты иумæйаг куыст — интернеты тыгъдады фæзынд ног платформæ Рудзынг. Ног онлайн фæзуат ирон æвзаг ахуыр кæнынæн. Тыгъдады æвзаг базонæн ис рог хуызы, æнæ арæнтæй æмæ психологон æгъдауæй къуылымпыдзинæдтæй. Кæй фæнды, уыдонæн се ‘ппæтæн дæр фадат ис зæрдæмæдзæугæ æмвæзадыл фылдæр зонындзинæдтæ райсынæн. Базон-базонтæ, уыци-уыцитæ. Егъау æмæ æмбал кæмæн нæй, ахæм куыст – уæлдæр ахуыргæнæндоны студентты æмæ ахуыргæнджыты фæллойы хатдзæг.
Хæстæгдæр рæстæг портал иннæ специалисттæн дæр суыдзæн цымыдисаг. Уый ирон æвзагимæ чи кусы, уыдонæн. Программисттæн фадат уыдзæн сæ авторон хъæзтытæ публикаци скæнын модерацийы фæстæ. Афтæмæй, æрхъуыдыджын æрыгæттæн сæ бон уыдзæн сæ аудиториимæ фембæлын. Иумæйаг ахуыртæ цæуынæн къордтæ скæнын та бар ратдзæн пайдайаг хъæзтытæй порталы урокты кæнæ хæдзармæ куысты хуызы пайда кæнынæн.
Сайты ахсджиаг у дизайн дæр. Уымæ уæлдай æргом здахынц. Сæйраг хуыз – цъæх, уый куыд хъæзтыты механикæйы бындур. Ирон адæмы культурæ æмæ традицитæ равдисынæн платформæ саив кодтой Нарты Кадджыты хъайтарты нывтæй. Бафтыдтой ма йæм Ирыстоны триколор. Ирон культурæйы орнаментты фæрцы фæз сси хæдхуыз æмæ зонгæ.
Проекты разамонæджы ныхасмæ гæсгæ, фидæнмæ нысанты портал парахат кæнын, бахæссдзысты йæм æнтыстдзинæдты æмæ размæцыды бæрæггæнæнтæ, уыдон архайджыты разæнагард кæндзысты ирон æвзаджы алфамбылай нырыккон æмæхсæнад сæмбырд кæнынмæ. Рудзынг.рф архайы се ‘ппæтæн зонгæ платформæ суæвыныл, уый æрмæст ирон æвзаг ахуыр кæнын кæй фæнды уыдонæн нæ, фæлæ ма йæ хъысмæтыл кæй зæрдæ риссы, уыдонæн дæр.
Портал байгом кæндзæн ирон авзаджы бындуртæм фæндаг — комккомæ, нырыккон æмæ цымыдиаг. Ацы бынаты ахуыртæ райстой ног хуыз, æнгом кæны фæлтæрты æмæ рухс фидæнмæ фидарæй кæсы.
