Студентты командæты КВН-фестиваль уыд Цæгат Ирыстоны паддзахадон университеты. Хъæлдзæг ныхас кæныны ерыс кодтой 16 командæйы уæлдæр æмæ астæуккаг ахуырдæттæ, стæй скъолатæй дæр. Сæхи фæлварынц КВН-ы классикон хæслæвæрдты. Райдыдтой хи бацамонынæй. Хуыздæртæ 1-æм мартъийы архайдзысты центрон лигæ “Алани”-йы ног сезоны. Ссæудзысты йæм фæсивæд Севастополь, Краснодар, Полярные Зори, Ростов, Пятигорск, Махачкала, Новосибирск, Грозна, Сочийæ.
Æмæ уый командæты æххæст номхыгъд нæма у. Уæлахиздзаутæ ацæудзысты КВН-ы æппæтадæмон фестивальмæ Сочимæ. Ныртæккæ уал дарддæры къæпхæнмæ ахызтызты 9 къорды.
Залы цы КВН-уарзджытæ æрбамбырд сты, уыдонæн æрмæст мидбылхудт нæ балæвар кодтой. Сæ бон уыд рамбулын смарт-телевизор æмæ æндæр техникæ. Мадзал саразыны хъуыды разынд бирæ азты дæргъы сæ “хъæлдзæгдзинад æмæ цыргъзонддзинадæй” бæрæг чи дары, уыдон. Фæнды сæ ног цардæфсæст, худæндзаст фæсивæды ссарын æмæ размæ ракæнын.
