Спортивон цæттæдзинады республикон центры цæуы Цæгат Ирыстоны сæргълæууæджы кубок рамбулыны турнир волейболæй. Архайынц дзы 13-æй 14 азы онг кæуыл цæуы, ахæм чызджытæ æмæ лæппутæ.
Æмткæй республикæйы алы районтæй 240 адæймагæй фылдæр. Уыдон сты муниципалон къæпхæнты 20 командæ-уæлахиздзауы. Ацы фембæлдтыты раззагдæртæн дарддæр фадат уыдзæн хи ноджы егъаудæр турнирты бафæлварын. Ерыстæ Сергей Меняйлойы хъæппæрисæй ныридæгæн сарæзтой æртыккаг хатт. Мадзаларазджытæ – республикæйы физкультурæ æмæ спорты министрад æмæ ахуырад æмæ наукæйы министрад.
