Цæгат Ирыстоны хицауады сæрдар Тускъаты Таймураз радон каст æркодта арæзт цы объекттæ цæуынц, уыдонмæ. Се ‘хсæн æнæниздзинад хъахъхъæнынады, социалон æмæ культурон бæстыхæйттæ. Премьер арæзтадон куыстытæм æркæсы алы мæй дæр. Ацы хатт бабæрæг кодта национ музей, тарнизы диспансер æмæ 27-æм скъола. Ног арæзтадон объектты æхсæн ма Дзæуджыхъæуы 18-æм микрорайоны зæххы хай. Пъланмæ гæсгæ ам уыдзæн скъола 500 бынатимæ, сывæллæтты рæвдауæндон 250 бынатимæ æмæ спортивон комплекс. Рæвдауæндон арæзт æрцæудзæн афæдзы кæронмæ, зæгъынц арæзтадон организацийы кусджытæ. 27-æм скъолайы та ма кæнынц мидæггаг аивгæнæн куыстытæ. Уый фæстæ та дзы сараздзысты спортивон фæз.
Пъланмæ гæсгæ цалцæггонд скъола скусдзæн сентябры. Национ музейы дыууæ хайы та да рддæр цалцæгкæнæн куыстытæ цæуынц. Ног аз дзы иу срæвдз уыдзæн. Тарнизы диспансеры фесты сæртæ ивæн куыстытæ, дондзæуæн хæтæлты æмæ канализаци бабиноныг кодтой, бауагътой интернет. Ныр дзы райдыдтой фæндæгтæ аразын. Фæуынмæ хъавынц мæй-мæй æмæ æрдæджы æмгъуыдмæ. Уымæй уæлдай ма абон хицауады сæрдар бабæрæг кодта Алагиры æмæ Беслæны рынчындонтæ, рæвдауæндæттæ æмæ Æрæфы районы амбулатори.
