Цымыдисаг балц

50 блогеры æмæ журналисты Уæрæсейы 15 регионæй фендзысты Цæгат Кавказы æппæты рæссугъддæр бынæттæ. Уый тыхххæй хъусын кæнынц цы сæрмагонд проекты фæлгæты архайдзысты, уый официалон сайты – «Маршруты России. Северный Кавказ», зæгъгæ. Фæсивæды хъуыддæгты фæдыл федералон агентад сараздзæн этнотуристон экспедици. Журналисттæ æмæ блогертæ бабæрæг кæндзысты Хъæрæсе-Черкессийы хæххон бынат – Домбай æмæ къахдзоныхты курорт Архыз. Фæсивæдон форум «Машук»-ы архайджытимæ та æрныхас кæндзысты туризмы райрæзты фарстатыл. Уыимæ ма Европæйы æппæты бæрзонддæр хохы цъуппмæ схизын – Эльбрусмæ. Стæй фæнд кæнынц нæ республикæйы, Дæргъæвсы цы дзæппæзтæ ис, уыдон дæр фенын.