Адæмон нывгæнæг æмæ зындгонд зарæггæнæг. Тугъанты Махарбеджы номыл аивадон музейы байгом Сабанты Хаджумары нывты равдыст. Йæ нывтæ фыста примитивизмы æууæлтæй пайда кæнгæйæ. Æвдыста сæ дунемæ æнæхин цæстæнгас. Йæ алы куысты дæр ис бынат таурæгътæн, аргъæуттæн, фольклорон мотивтæ æмæ царды æцæг хабæрттæн. Сæрмагондæй Хаджумары куыстытæ фыццаг хатт равдыстой 1972-æм азы.
Уæдæй фæстæмæ хæдахуыр дæсныйы куыстытæ æмæ хъæдыл конд нывæфтыдтæ саив кодтой бирæ равдыстытæ. Йе `мбисонды аивадон æрмдзæф уынгæйæ, адæймаджы зынтæй бауырны, нывгæнæгмæ профессионалон ахуыргонддзинад кæй нæй, уый. Не `мзæххоны сфæлдыстадимæ зонгæ сты канд Уæрæсейы нæ, фæлæ ма Европæйы дæр.
