Туризмы федералон агентад исын райдыдта гранттæ рамбулыны тыххæй курдиæттæ. Се `ппæты фылдæры бæрц у 3 милуан сомы.
Фæрæзтæ рахай кæндзысты алыхуызон туристон кусæнгæрзтæ балхæнынæн, иумæйаг къабæзты райрæзтæн, ног æмæ цы балцвæдтæ ис, уыдоныл бакусынæн, йе `нæниздзинад хъыгдæрд кæмæн у, уыдонæн æмбæлгæ уавæртæ саразынæн, стæй ма мобилон уæлæфтуантæ скæнынæн. Уый тыххæй Уæрæсейы Хицауад радих кодта 1 млрд æмæ 200 милуан сомы.
Туризмы рæзты федералон агентады разамонæг Дыгъуызты Зæринæ куыд фæбæрæг кодта, афтæмæй грантты фæрцы мидбæстæйы туризм райрæздзæн æмæ йæм адæмы цымыдисдзинад фæуæрæхдæр уæндзæн. Конкурсæн хатдзæгтæ скæндзысты ноябры.
Субсидитæ райсæн ис æрмæстдæр юридикон бæрнондзинад Уæрæсейы кæмæ ис, кæнæ хицæн амалхъом адæймагæй 22-æм мартъийы онг чи срæгистраци кодта, уыдонæн. Коркурс арæзт уыдзæн 4 къæпхæнæй. Курдиæттæ уал бадæттæн ис 8-æм октябыры онг.
