Вагæттæ цалцæггæнæн завод исбоны хъалон фидынæй суæгъд кæндзысты 2027-æм азы кæроны онг. Йæ сæфт æфтиæгты бæрц у 12-æй 13 млн сомы онг, — фехъусын кодта промышленность æмæ инвестициты министр Отарты Олег. Ныртæккæ куыстуат ис Уæрæсейы æфсæнвæндæгты къухы. Фæстаг æртæ азмæ йын æххуысæн рахай кодтой 250 млн сомы бæрц. Закъоны проектмæ ивддзинæдттæ депутаттæ Парлементы 38-æм æмбырды хорзыл банымадтой.
2016-æм азæй 933 æрыгон бинонтæ, Фыдыбæстæйы Стыр хæсты 586 ветераны райстой паддзахадон æххуыс “Цæрджытæн æнцонвадат цæрæнуæттæ дæттыны” программæйы фæлгæты. Уæдæй эксплуатацийы радтой 2,7 млн квадратон метрæй фылдæр.
