Тыбылты Георгий юниорты`хсæн рацыд финалмæ Уæрæсейы чемпионаты грекъаг-ромаг хъæбысхæстæй. Ерыстæ цæуынц горæт Владимиры.
Республикæйы физкультурæ æмæ спорты министрадæй куыд хъусын кæнынц, афтæмæй æрдæгфиналы ирон богал тохы бацыд Гусейн Гусейновимæ, Владимиры облæстæй. 11:4 хыгъдимæ йæ рамбылдта. Кæронбæттæны Тыбылты Георгий фембæлдзæн Анвар Аллахьяровимæ.
Уæ зæрдыл уын æрлæууын кæндзыстæм, турнир æрымбырд кодта 350 спортсмены Уæрæсейы регионтæй. Цæгат Ирыстоны иугонд командæйы ис 5 адæймаджы. Се`хсæн Тыбылты Георгий, Гугкаты Давид, Цыхуырбаты Анзор, Таматы Тимур æмæ Гацойты Давид-Сослан. Турнир у æвзарæн къæпхæн дунеон чемпионатмæ. Ацæудзæн декабры Сербийы.
