Цæгат Ирыстоны 8 мæйы æмгъуыдмæ раиртæстой нозтджынæй хæдтулгæ чи скъæрдта, ахæм 3 736 шофыры. Уый тыххæй фæндаггон фæткы æдасдзинады хицауады къамисы æмбырды рæстæг фехъусын кодта Паддзахадон автоинспекцийы управленийы разамонæджы хæстæ рæстæгмæ æххæстгæнæг Хæбæлаты Григорий.
Афæдзы райдианæй административон æгъдауæй бафхæрдтой фæндаггон змæлды 375 мин архайæджы. Уымæй уæлдай ма раиртæстой 3 736 цауы нозтджын шофыртимæ баст. 839 шофыры та хæдтулгæ скъæрдтой æнæ бардæттæг гæххæттытæй. Уæ зæрдыл уын æрлæууын кæндзыстæм, афæдзы райдианæй Цæгат Ирыстоны фæндаггон фыдбылызты фæмард 60 адæймаджы.
