Фæндаггон фыдбылызтæ фылдæр кæнынц. Уый парламенты цы сæрмагонд æмбыр сæрæзтой, уым фехъусын кодта республикæйы Паддзахадон автоинспекцийы сæргълæууæг Хуадонты Айвар. Йæ ныхæстæм гæсгæ, ацы аз Цæгат Ирыстоны æрцыд 500-æ фæндаггон фыдбылызæй фылдæр, фæмард дзы 65 адæймаджы. Ахæм æвирхъау фыдбылызтæ арæхдæр æрцæуынц шофырты аххосæй, сæ хъус фæндаггон домæнтæм куыд æмбæлы афтæ кæй на дарынц, уый тыххæй. Хуадонты Айвар ма загъта, ацы аз Дзæуджыхъæуы 5 видеоцæстдарды системæйы æвæрд кæй æрцæудзæн. Ныридæгæн æнæхъæн республикæйы сты 44.
