Уæлахизы бон Дзæуджыхъæуы арæзт æрцæудзæн акци «Æнæмæлгæ полк»

Уæлахизы бон Дзæуджыхъæуы арæзт æрцæудзæн акци «Æнæмæлгæ полк». Мадзалы рæстæг скъоладзаутæ, студенттæ, ныййарджытæ сæ сывæллæттимæ æмæ ветерантæ уынгты хæсдзысты сæ хиуæттæй Фыдыбæстæйы Стыр хæсты чи архайдта, уыдоны къамтæ. Дзæуджыхъæуы ацы акци арæзт цæудзæн ныридæгæн цыппæрæм хатт. Йæ сæйраг хæс у хæстон цаутæ æмæ хæсты архайджыты хъуыды кæнын. Мадзалы бацархайынмæ хуынд сты республикæйы æппæт цæрджытæ дæр. Уый тыххæй хъæуы хиуæттæй Фыдыбæстæйы Стыр хæсты чи архайдта, уый къам æрбахæссын æмæ йемæ иннæ адæмимæ колоннæйы ацæуын. Раздæрау архайджытæ цæудзысты Сабырдзинады проспекты Сæрибардзинады фæзæй Кировы уынгмæ. Акци райдайдзæн Уæлахизы парады фæстæ 11 сахатыл. Цæрджытæн ма арæзт æрцæудзæн быдыры хæринаггæнæндон дæр. Уæ зæрдыл уын æрлæууын кæндзыстæм, фарон «Æнæмæлгæ полк»-ы нæ республикæйы архайдтой 40 мин адæймаджы.