Абон Уæрæсейы бæрæг кæнынц Сывæллæтты хъахъхъæныны æппæтдунеон бон. Нæ бæстæйы æвзонг цæрджытыл æппынæдзух хъæуы узæлын.
Бæрæгбоны сæйраг хæс у æнахъом сывæллæтты бартæ бахъахъхъæнын, семæ баст риссагдæр фарстатæ райхалын. Цæгат Ирыстоны æрыгон цæрджытæн арфæйы ныхæстæ загъта республикæйы сæргълæууæг Битарты Вячеслав.
«Бинонты хæзна сты сывæллæттæ. Сæ фæзындимæ цард аивы, ныййарджытыл фæзыны сабиты фидæнимæ баст стыр хæс. Рæвдыдцух æмæ фæкæсинаг сывæллæттæн та республикæйы хицауад дарддæр дæр сæ уавæртæ хуыздæр кæндзæн» – фæнысан кодта Битарты Вячеслав.
