Уæрæсейы экономикон райрæзты министрады æрныхас кодтой Цæгат Ирыстоны цæрæнуæтты-коммуналон хæдзарады æмæ энергетикæйы къабазы архайдыл

Уæрæсейы экономикон райрæзты министрады æрдзырдтой Цæгат Ирыстоны цæрæнуæтты-коммуналон хæдзарады æмæ энергетикæйы къабазы экономикон райрæзты программæтæ æххæст кæныныл. Премьер Дзанайты Барис куыд фæнысан кодта, афтæмæй пилотон программæ æххæст кæныны фадæттæ ацы аз равдыстой хорз бæрæггæнæнтæ. Уый бантыст Цæгат Ирыстоны хицауады бæстон цæстдарды руаджы. Уыимæ абоны бонмæ къабазы бакодтой стыр куыст. Арæзт æрцыд иумæйаг оператор донæй æххæст кæныны, дондзæуæн æмæ хъармгæнæн куыстуæттæн. Уый бындурыл абон нысангонд у се ‘ппæт куыстуæтты исбонад дæр. Профилон министр куыд фæнысан кодта, афтæмæй организаци 2023-æм азæй нырмæ нымад æрцыд хъалонтæ чи фиды, уыдонæй егъаудæрыл республикæйы. Ныридæгæн бафыстой 2 млрд сомæй фылдæр, уыдоны хыгъды республикон бюджетмæ 820 млн сомы.