Уæрæсейы фæфылдæр уыдзæн мызды, стæй цæрынæн æппын къаддæры фæрæзты бæрц, бюджетон къабазы кусджыты мызд æмæ æппæт социалон фиддонтæ.
Уый тыххæй фехъусын кодта президент Владимир Путин регионтæн социалон-экономикон æххуысы фарстаты фæдыл æмбырды. Бæстæйы сæргълæууæг министртæм, регионты разамонджытæм фæсидт, цæмæй ацы фарстайыл бакусой. Владимир Путин куыд фæнысан кодта, афтæмæй фарстайæн канд экономикон бындур нæй, фæлæ ма стыр социалон нысаниуæг. Бæстæйы президент бабар кодта, цыбыр рæстæджы ‘мгъуыдмæ йæ куыст чи фесæфта, уыдонæн æххуысы мадзæлтты пайдайыл бакусын.
