Цæгат Ирыстоны паддзахадон университеты ректорæй ногæй сæвзæрстой Огъуаты Аланы. Йæ кандидатурæйыл ын схъæлæс кодтой 92 адæймаджы. Æвзæрстытæ ацыдысты универститеты кусджытæ æмæ ахуыргæнинæгты конференцийы рæстæг.
Иннæ кандидаттæ уыдысты менеджмент, маркетинг æмæ туризмы кафедрæйы разамонæг Дзæгъойты Сергей æмæ наукон куысты проректор Туаты Бертæ. Æвзæрстытæн Цæгат Ирыстоны паддзахадон университеты ахуырадон совет снысан кодта сæрмагонд къамис. Æнæмæнг хуызы йæм бахастой профцæдисты организацийы стæй кадрты æмæ юридикон службæты минæвæртты.
Фæнысан ма кæндзыстæм уый дæр, æмæ Цæгат Ирыстоны паддзахадон университеты ректор æвзæрст æрцыд альтернативон бындурыл сусæг хъæлæслæвæрды хуызы, университеты разамонæджы бынатмæ кандидатты программæтыл æрныхасы хатдзæгтæм гæсгæ.
