Дзæуджыхъæуы дарддæр цæуынц профилактикон рейдтæ. Уæрæсейы фæлхасгæнджытæм цæстдарды службæ æмæ мидхъуыддæгты министрады кусджытæ бабæрæг кодтой æсхæнадон бынæттæ æмæ хæрæндæттæ.
Ведомствоты специалистты уазджытæй агуырдтой QR-кодтæ, кусæндæтты та кастысты, санитарон домæнтæ куыд æххæст кæнынц, уымæ. Рабæрæг кодтой уагхæлдтытæ дæр. Бынæттæй иу бахъуыд сæхгæнын. Специалисттæ рафыстой административон протокол. Гæххæтытæ арвитдзысты тæрхондонмæ. Хæрæндоны хицауы та, гæнæн ис, æмæ фæивар кæной 50 мин сомы бæрц. Кæнæ бынат уыдзæн æхгæд 90 суткæйы онг.
