Радон рейды рацыдысты Уæрæсейы фæлхасгæнджытæм цæстдарды управленийы специалисттæ. Дарддæр бæрæг кæнынц æхсæнадон бынæттæ. Ацы хатт федтой Дзæуджыхъæуы кинотеатртæ. Специалисттæ раиртæстой бæстыхæйтты санитарон-эпидемиологон домæнтæ куыд æххæстгонд цæуынц, уый.
Цæмæй коронавирусы низ ма парахат кӕна, уый тыххæй Уæрæсейы фæлхасгæнджытæм цæстдарды управленийы специалисттæ снысан кодтой
сæрмагонд уагæвæрд. Хъуамæ йæ цæрджытæ æххæст кæной. Социалон дистанци, маскæтæ дарыны фæтк æмæ антисептиктæ. Æрмæст санитарон домæнтæ æххæстгæнгæйæ ис низӕй хи бахъахъхъæнæн.
Уæрæсейы фæлхасгæнджытæм цæстдарды управленийы кусджытæ барадхъахъхъæнджытимæ иумӕ расидтысты радон рейд. Æмткæй райсгæйæ, бирæ уагхæлдтытæ нæ рабæрæг кодтой. Куыстуæтты ис æппæт хъæугæ æвдисæндартæ. Æххæст кæнынц хи хъахъхъæныны мадзæлттæ.
Кинотеатрмæ чи æрбацыд, уыдоныл ис маскæтæ. Уæдæ бадгæ дæр кæнынц нысангонд фæткмæ гæсгæ. Æххæст кæнынц дистанци.
Æрвылбон дæр бæрæггонд цæуынц æхсæнадон транспорттæ, хæрæндæттæ æмæ кинотеатртæ. Республикæйы коронавирусы уавæр хуыздæр кӕй нӕ кӕны, уымæ гæсгæ ахæм рейдтæ сты ахсджиаг æмæ хъæугæ.
