Уæрæсейы фæзындзæн экскурсоводтæ, гидтæ, гидтæ-тæлмацгæнджыты иумæйаг реестр. Йæ амынддзинæдты фæтк ын снысан кодта премьер-министр Михаил Мишустин.
Афтæмæй, бæлцæттæ æмæ туристон бизнесы минæвæрттæн фадат уыдзæн горæты гидтæ, экскурсоводты тыххæй фылдæр æмæ растдæр информаци базонын. Уымæй уæлдай ма сæрмагонд документы ссарæн уыдзæн, регионтæй сын кусыны бар кæм ис, уый.
Цæмæй реестрмæ бахауой, уый тыххæй ацы къабазы лæггадгæнджыты хъæудзæн сæрмагонд къамисы аттестаци ацæуын. Уый руаджы фæхуыздæр уыдзæн туристон лæггæдты хæрзхъæддзинад, адæмы бахъахъхъæнæн уыдзæн цæстфæлдахджытæй. Экскурсийы лæггæдты базарадмæ уыдзæн æмбæлгæ цæстдард.
