Æмæ ма нæ равдысты кæрон спорты тыххæй. Уæрæсейы гæрзифтонг тыхты чемпионат Самбойæ арæзт æрцыд Дзæуджыхъæуы.
Архайынц дзы Кадетон, Суворовы æмæ Нахимовы номыл училищæты студенттæ. Æдæппæтæй 22 командæйы: Мурманск, Екатеринбург, Хъазан, Мæскуы, Тверь, Стъарапол, Ульяновск, Владивосток, Севастополь æмæ Уæрæсейы æндæр горæттæй. Уазджытæн ма аразынц экскурситæ, æвдисынц республикæйы намысы бынæттæ, зонгæ сæ кæнынц Цæгат Ирыстоны культурæимæ. Знон уал уæлахизыл тох кодтой 15 æмæ 16 аздзыд спортсментæ. Абон та сæ тыхтæ ‘взардзысты 17-18 аздзыд фæсивæд. Хуыздæрты сбæрæг кæндзысты алы уæзы кæтегорийы дæр.
