Уæрæсейы Хицауад дарддæр архайы социалон фæдзæхстады системæйы райрæзтыл

Уæрæсейы Хицауад дарддæр архайы социалон фæдзæхстады хъахъхъæнынады системæйы хæрзхъæддзинадыл. Уымæн æмæ цæрджытæн æххуыс сты царды алы къабæзты. Ацы аз сæ æфтиæгтæ чысыл кæмæн сты, уыцы бинонтæн æмбæлы иумæйаг фиддон. Дыууæ хатты фæфылдæр сты хъалонты рахыгъдтæ дыккаг æмæ иннæ сывæллæттæн. Æппынæдзух индексацигонд цæуы мадæлты капитал æмæ иннæ социалон фиддонтæ. Снысан кодтой уæлæмхасæн бартæ æмæ льготæтæ “Мад-хъæбатыр” ном цы сылгоймæгтæн лæвæрд æрцыд, уыдонæн дæр. Фæфылдæр æнхъæлцау сылгоймæгтæй уæлдæр ахуыргæнæндæтты æмæ колледжты студенттæ, стæй наукон организациты уæнгтæ чи сты, уыдоны социалон фиддонты бæрц дæр. Фæдзæхстадон стажмæ хаст цæуы сабитæм афæдз æмæ æрдæгмæ кæсыны æппæт рæстæг дæр. Чи кусы, уыцы ныййарджытæй та 2 æмæ фылдæр сывæллоны кæмæн ис, æмæ сæ бинонты фæрæзтæ фæцæрынæн æппынкъаддæры бæрцæй 1,5 хатты ныллæгдæр кæд сты, уæд сын снысан кæндзысты æрвылазон бинонты фиддон. НДФЛ сын нымад цæудзæн 6% ставкæмæ гæсгæ, уымæй уæлдай чи уа, уыдон сын дæтдзысты фæстæмæ. Рагагъоммæйы бæрæггæнæнтæм гæсгæ, фиддонæй спайда кæндзысты 4 милуан бинонтæй фылдæр.