Уæрæсейы хицауад фæфылдæр кодта, цæрджытæн сæ бон электрон хуызы цы лæггæдтæ райсын у, уыдоны номхыгъд

Уæрæсейы хицауад фæфылдæр кодта, цæрджытæн сæ бон электрон хуызы цы лæггæдтæ райсын у, уыдоны номхыгъд. Ныр нотариусмæ бацæуыны тыххæй хи ныффыссæн ис рады он-лайн хуызы. Сервисæн ис 2 гæнæны. Уыдонæй иуы руаджы ис консультаци райсæн бынтæ райсыны фарстаты фæдыл. Иннæ та – æндæр фарстаты тыххæй.  Уымæй уæлдай ма паддзахадон лæггæдты порталы руаджы ис райсæн кредитон историйы фæдыл информацион документ. Фенцондæр уыдзæн амалхъомадæн дæр. Зæгъæм, сæ бон уыдзæн бæрæггæнæнтæ исын инвестицион уынаффæгæнджыты реестрæй, финансон базарады аудит чи æххæст кæны, уыцы организацитæй, стæй æндæр хъæугæ информаци.