Уæрæсейы хицауад хæстæгдæр æртæ азмæ рахай кæндзæн 7,5 млрд сомы Цæгат Кавказы федералон зылды регионты экономикон райрæзты программæтæн. Уый бабар кодта бæстæйы премьер-министр Михаил Мишустин.
Цæгат Кавказы федералон зылды регионты экономикон райрæзты стратегион сессийы протоколыл æнцайгæйæ. Сæрмагонд æмбырд ацыд фарон 26-æм ноябры. Афтæмæй, Цæгат Кавказы федералон зылды пилотон регионты — Цæгат Ирыстон, Мæхъæл æмæ Дагестаны энергетикæ æмæ цæрæнуæтты коммуналон хæдзарады куыстуæтты экономикон райрæзтæн рахай кæндзысты 7,5 млрд сомы.
Рухстауæн министрад регионтимæ иумæ 1-æм февральмæ бацæттæ кæндзысты 2030-æм азмæ астæуккаг æмæ профессионалон ахуырады райрæзты программæ. Къабазæн рахай кæндзысты 11,08 млрд сомы. Уыимæ ма 1-æм маймæ развæлгъау банымайдзысты автомобилон фæндаджы арæзтады аргъ. Фæндаг хауы Цæгат Кавказы æмæ Сауденджызы туристон кластертæм.
Уæрæсейы туизмы комитет арæзтады æмæ экономикон рæзты министрадтимæ æмæ паддзахадон корпорацитимæ снысан кæндзысты туристон инвестицион проекттæ. Уæлдай æргом аздахдзысты Цæгат кавказы федералон зылды хæххон курортты инфраструктурæйы райрæзтмæ. Уымæй уæлдай ма регионты, гæнæн ис, æмæ фæзыной технопарктæ. Сæ снысаны проекттæ регионтæ хъуамæ бацæтт кæной 1-æм мартъимæ.
