«Хъæууон ипотекæ»-йы льготон программæ адæргъвæтин кодтой. Ныр ын кæронбæттæны æмгъуыд нал уыдзæн. Сæрмагонд бардзырд бафыста хицауады сæрдар Михаил Мишустин.
Зæгъын хъæуы уый, æмæ афæдзмæ льготон кредиты ставкæ у 3%. Фыццаг программæйы æмгъуыд нысангонд уыд афæдзы кæронмæ. Уæвгæ та, «Хъæууон ипотекæ»-йы программæ кусын райдыдта 2020-æм азы. Нырмæ дзы чи спайда кодта, уыцы адæмы нымæц рæзы. Ныридæгæн радтой 97 мин кредиты, сæ иумæйаг аргъ 187 миллиард сомы. Адæм балхæдтой æмæ самадтой хӕдзӕртты 5 милуан квадратон метры.
