Уæрæсейы хицауады фæстауæрцгæнæн фондæй Цæгат Ирыстон райсдзæн 250 милуан сомы. Æхцайы фæрæзтæ схардз кæндзысты профилактикæ, диагностикæ æмæ коронавирусы инфекцийæ дзæбæх кæныныл. Уый тыххæй фехъусын кодта Тускъаты Таймураз хицауады æмбырды.
Профилон министрадæн уый уыдзæн ахадгæ æххуыс. Уый руаджы медицинон кусæндæтты материалон-техникон уавæр фæхуыздæр уыдзæн. Æнæниздзинад хъахъхъæныны министрад паддзахадон æххуыс фыццаг хатт нæ исы. Уый размæ Владимир Путин бахатыд, цæмæй коронавирусы ныхмæ чи тох кæны, уыцы дохтыртæн снысан кæной уæлæмхасæн фиддонтæ.
