Хæххон суадæтты донимæ æвгтæ арæхстгай цæттæ кæнынц ласынмæ. Дзалаты Аслан ахуыр кæны 9-æм къласы, йæхи фæлвары ленк кæныны спорты, уымæй уæлдай ма у бархион дæр. Йæ фыдæн æххуыс кæнын гуманитарон æххуыс æрвитынмæ сæрмагонд æфсæддон операцийы бынатмæ. Лæппу сæрыстыр у, æвæрæн бахæссын йæ бон кæй у, уымæй. Тохы быдыры æфсæддонтæн æхсызгон вæййы æнкъарын райгуырæн зæххæй узæлд.
Тохы быдыры нæ æфсæддонтæн баххуыс кæнын у нæ алкæй хæс дæр, зæгъы Цгойты Хазби. Йæ хæлæрттимæ, дард фæндæгтыл чи фæцæуы, уыдонимæ иумæ бацæттæ кодтой сæрмагонд æфсæддон операцийы бынатмæ дон ласыны хъуыддаг. Ныр æртыккаг аз йæ къордимæ, мæй 2-3 хатты бынатмæ хæццæ кæны дон. Фыццаг хатт бархионтæ нæ хæстонтæн радтой 3 хæдтулгæйы. Дарддæр сын райдыдтой бензинæй кусгæ хырхытæ, генератортæ, арæзтадон инструменттæ, цæлхытæ æмæ бирæ æндæр хъæугæ дзауматæ æлхæнын.
Сывæллæттæ ма сæ ныййарджытимæ æфсæддонтæн æмбырд кæнынц æндæр æххуыс дæр. Хъарм цъындатæ, сæкæр, цай, къаффеттæ, консервтæ, химæзилæн дзауматæ.
Республикæйæ æххуыс ласынц Донецкы облæст, Мелитополь, Курск, “Шторм Осетия” батальоны æфсæддонтæн. Тагъд рæстæджы Ирыстонæй дон райсдзысты Плиты Иссæйы номыл полк дæр. Ацы хатт æрæмбырд кодтой дыууæ фурæйы доны 20 тоннæимæ.
