Райгуырæн хæдзары хъарм тохы быдыры банкъарын. Цæгат Ирыстонæй гуманитарон æххуыс арвыстой Запорожьейы облæсты Черниговаг районмæ. Йæ уæз — 1,5 тоннæйæ фылдæр. Ис дзы принтертæ, интерактивон фæйнæджытæ, компьютертæ, уазалгæнæн камерæтæ. Пайда сæ кæндзысты сывæллæтты рæвдауæндæтты æмæ скъолаты. Хæстонтæн — æхсæвы кæсæн прибортæ, тепловизортæ, хуыссæн голджытæ, чъиритæ, семæ, æнæмæнг, сабиты арфæтимæ фыстæджытæ. Фæрæзтæ æрæмбырд сты хæрзаудæн армукъайы. Архайдтой дзы республикæйы ахуырадон кусæндæттæ. Гуманитарон æххуыс фæхæццæ уыдзæн райсом.
