Пост æххæст у æппæт техникон фæрæзтæй. Йæ кусджытæ, арæнхъахъхъæнджытæ та канд сæ хæс не ххæст кæнынц. Уыдон ма хъахъхъæнынц сæ иумæйаг бинонты дæр – Вадим Матросовы ном чи хæссы, уыдоны. Советон æфсæдты хицау, инæлар æмæ Советон Цæдисы хъæбатыр.
Домаг командыгæнæг æмæ дæсны хъомылгæнæг. Æххæст у адæймаджы хуыздæр миниуджытæй. Вадим Матросов сгарæгæй куыста 10 азæй фылдæр. Йæхæдæг хъуыды кодта æмæ сæрмагондæй цæст дардта арæнхъахъхъæнæн операцитæм. Æфсæддон хайады зыдта æппæт лыстæгдзинæдтæ дæр. У нæхи кæимæ барæм, ахæм адæймаг, зæгъынц куыстуаты ветерантæ. Йæ хъæбатырдзинады тыххæй Вадим Матросов хорзæхгонд уыд бирæ хæрзиуджытæй. 1996-æм азы майы та йын лæвæрд æрцыд “Уæрæсейы Федерацийы сгуыхт арæнхъахъхъæнæджы” ном. Уый дæнцæгыл хъомыл кæнынц фидæны арæнхъахъхъæнджыты дæр. Республикæйы скъолаты та гом кæнынц сæрмагонд кълæстæ.
Абон ам ис чысыл уазджытæ – Тæмисчъы реабилитацон центры сывæллæттæ. Сарæзтой сын сæрмагонд экскурси. Радзырдтой сын арæнхъахъхъæнæн службæйы истори, йæ хъæбатырты тыххæй. Сывæллæттæ базыдтой кæм цæрынц службæйы кусджытæ. Равдыстой ма сын хæцæнгарзты хуызтæ дæр. Сывæллæттæн сæ зæрдæмы тынг фæцыд сæ балц.
16 июлы Буроны арæнхъахъхъæнæн постæн у ахсджиаг бон. 25 азы размæ йын радтой Вадим Матросовы ном. Хъуыды йæ кæндзысты. Йæ царды фæндаг æмæ йæ хъæбатыр архайд арæнхъахъхъæнæджытæн уыдзæн æцæг дæнцæг.
