Вениамин Мандрыкиныл документалон киноныв

Футболон командæ «Аланийы» раздæры дуаргæс Вениамин Мандрыкиныл исынц документалон киноныв. Уыцы хæс йæхимæ райста телеканал «Матч ТВ». Кæддæр футболон стъалытыл кæй нымадтой, лæппутæ сæхицæн дæнцæг кæмæй хастой, уыдонæй ныр бирæтæ алыхуызон аххоссæгтæм гæсгæ нал зынынц. Вениамин Мандрыкины спортивон цард æваст ныллæууыд 2010-æм азы фæззæджы. Бахауд фæндаггон фыдбылызы. Рынчындоны йæ куы баластой, уæд ын дохтыртæ удæгас базаййын æнхъæл нæ уыдысты. Асаст йæ астæуыстæг. Уæдæй фæстæмæ ирон футболон скъолайы хъомылгæнинаг, хуыздæр дуаргæстæй иуæн йæ бон æнæ искæй æххуысæй цæрын нæу. Вениамин Мандрыкин йæ командæимæ 3 хатты сси Уæрæсейы чемпион, рамбылдтой УЕФА-йы Кубок. Дыууæ минæм азы та йæ газет «Спорт-Экспресс» банымадта нæ бæстæйы хуыздæр дуаргæсыл.