Ветеран Пагæты Алыксандрыл сæххæст 100 азы

Йе ‘нусон юбилей бæрæг кæны Пагæты Алыксандр. Ветераны кадæн бæрæгбон ацыд Уырыссаг академион театры. Сценæйыл — зындгонд артисттæ. Пагæйы-фыртæн раарфæ кодта Сергей Меняйло дæр. Регионы разамонæг бузныджы ныхæстæ загъта 100-аздзыд ветерантæ Александр Варламов æмæ Хуыдиаты Черменæн дæр. Пагæты Алыксандр райгуырд Джызæлы, фæци каст скъола. 1942-æм азы йæм фæсидтысты æфсадмæ. 44-æмы та Выборгы полчы 157-æм æхсæг дивизийы хыгъды сæрибар кодта Ленинград. Уæд уæззай цæф фæци. Хорзæхджынгонд у “За боевые заслуги” æмæ “За победу над Германией” майдантæй, стæй Фыдыбæстæйы Стыр хæсты дыккаг къæпхæны орденæй.