Бæстæйы президент Владимир Путин бафыста сæрмагонд æфсæддон операцийы архайджытæн æххуысы паддзахадон фонд саразыны указ. Хуындзæн «Фыдыбæстæ хъахъхъæнджытæ».
Фонд æххуыс кæндзæн сæрмагонд æфсæддон операцийы Донецкы æмæ Луганскы адæмон республикæтæ æмæ Украинæйы 2022-æм азы 24-æм февралæй, стæй Запорожье æмæ Херсоны областты та 2022-æм азы 30-æм сентябрæй чи архайдта, уыцы ветерантæн. Уымæй уæлдай ма фонды фæрæзтæ хардзгонд цæудзысты сæрмагонд æфсæддон операцийы тохы быдыры чи фæмард, уыдоны бинонтæм фæкæсыныл.
Фонды сæрдар сси Анна Цивилёва. Президент ма бабар кодта регионты сæргълæууджытæн, цæмæй организацийы куыстмæ сæ цæст фæдарой.