Завод «Кетон» кусы 37 азы. Ивгъуыд æнусы 80-æм азты завод райдыдта уадзын полиэтиленæй арæзт «терефтолатон плёнкæ», зæгъгæ. Раздæр дзы пайда кодтой хъахъхъæнынады промышленносты, ныртæккæ та – конденсаторты арæзтады. Плёнкæ у бирæвæрсыг. Кæм ма дзы пайда кæнынц ныртæккæ æмæ куыстуаты хъомыс цавæр у?
Ацы завод «Кетон»-ы Александр Сухомлинов кусы, цы бон æй байгом кодтой, уæдæй-фæстæмæ. Фыццаг рæстæг уал уыд электромонтажник. Гыццыл фæстæдæр та сси цехы разамонæг. Ивгъуыд æнусы 80-æм азты завод райдыдта уадзын полиэтиленæй арæзт «терефтолатная плёнка», зæгъгæ. Йæ хæрзхъæддзинад абон дæр нæ фæцудыдта, зæгъы Алыксандр.
Александр Сухомлинов, завод «Кетон»-ы цехы разамонæг:
«Нæ куыст хъуамæ иттæг хорз кæнæм. Ныры рæстæджы мах хуызæн куыстуæттæ бирæ сты. Уый тыххæй та уæлдай ахсджиаг у, цæмæй æнæ аиппытæй архайæм. Пандемийæ, кæй зæгъын æй хъæуы, бахаста йæхи ивддзинæдтæ. Фæлæ кусæм».
Раздæр плёнкæйæ пайда кодтой хъахъхъæнынады промышленносты, ныртæккæ та – конденсаторты арæзтады. Ацы дзаума у бирæвæрсыг. Пайда дзы кæнынц электротехникæ æмæ тухæн æрмæджытæ уадзгæйæ. Плёнкæйæ пайда кæнын у æнцон. Стыр хъомыс ын ис хойрæгты куыстады. Экологон æгъдауæй у сыгъдæг. Куыстуаты разамынды ныхæстæм гæсгæ, ныридæгæн сæ хъомысы 50 % дæр кæронмæ не `ххæст кæнынц.
Рашид Саламов, завод «Кетон»-ы директор:
«Нæ бæстæйы мах хуызæн куыстуæттæ ис 10. Сты не `мкусджытæ. Иу азмæ рауадзæм пленкæйы 200 тоннæйы».
Куыстуаты равзæрды истори у цымыдисаг. Завод «Кетон»-ы йæ хуыздæр рæстæджыты фæллой кодтой 800 адæймаджы. Ныр ма дзы баззад æрмæстдæр 70. Алкæцы дæр дзы нымад æмæ кадджын у. Зын рæстæджы дæр сæ уарзон дæсныйадыл никуы фæивтой сæ зæрдæ.
Пелиты Сабинæ
