Зын сахат иумæ …

Зын сахат Кемеровойы цæрджыты фарсмæ æрбалæууыдысты Цæгат Ирыстоны паддзахадон автоинспекцийы кусджытæ дæр министрады хъæппæрисæй. Патрулон машинæтæн сæ рухсытæ ссудзгæйæ, равæрдтой дзырд «Скорбим». Кемеровойы зынгсирвæзты хабар кæй зæрдæтæ нæ сæнкъуысын кодта, ахæм адæймаг нæ баззад. Нæ бæстæйы æмæ фæсарæнты цæрджытæ мингæйттæй цæуынц Мемориалтæм æмæ хæссынц дидинджытæ. Цæгат Ирыстоны паддзахадон автоинспекицйы кусджытæ хъыг кæнынц æдзард сывæллæтты ныййарджытимæ иумæ. «Сывæллон фæсафынæй фыддæр æмæ зындæр, æвæццæгæн, ницы ис. Абон Уæрæсе дзыназы, чи фесæфт, уыцы сæвæллæттыл. Сæ ныфсытыл æмæ бæллицтыл. Не хсæнæй фæхъуыдысты фидæны дохтыртæ, ахуыргæнджытæ, спортсментæ… Æгъатыр зынг ахаста сæ гыццыл удтæ, басыгъта сын сæ хæстæджыты зæрдæтæ». Абон сæ номыл автоинспектортæ ссыгътой цырæгътæ. Сыгъдæгзæрдæйæ куывтой, цæмæй амæттæгты удтæ дзæнæты хай бауой.