Ахуыргæндтæ, хабæрттæ аэродромæй, дæндæгты дохтыры бон æмæ Туркæй уазæг

Уæрæсейы наукæты академийыл сæххæст 300 азы. Уый кадæн нæ студимæ фæдзырдтам сæ ирыстойнаг дæлхайад, Дзæуджыхъæуы наукон центры минæвæрттæм. Дзырдтам ивгъуыды хатдзæгтыл, стæй фидæнмæ нысантыл. Ног хæстæ сæ размæ æвæрынц нæ республикæйы ДОСААФ-ы аэродромы дæр. Чи дзы кусы, уыдон уыдысты нæ уазджытæ. Уæлдайдæр ма абон у граждайнаг авиацийы кусæджы бон. Уæдæ ма сæ профессионалон бæрæгбоныл æмбæлынц дæндæгты дохтыртæ. Сæ иу йæ рæстæгыл йæ фæндаг махыл ракодта. Дзырдтам æнæниздзинады ацы къабазыл. Программæйы кæронбæттæны та нæм фæзынд Турчы цæрæг ирон лæппу. Нымадæй цалдæр боны уыдис йæ фыдыуæзæджы æмæ махæн дæр йæ рæстæгæй рауæлдай кодта.