Æндæхтæ

Дуг размæ куыд цæуы, афтæ ивгæ цæуынц кæцыдæр æгъдæуттæ дæр, кæцыдæртæ та дзы бынтон рохуаты аззайынц. Уыдонмæ хауы Рæстæйы бæрæгбон дæр. Уæдæ нын хорз фадат ис Цæрвкъахæнты æрныхас кæнын уалдзæджы бæрæгбонтыл.

Алы адæймагæн дæр йæ царды фыццаг къахдзæфтæ йæ сабибонтæй райдайынц. Æппæтæй адджындæр мысинæгтæ уыдонимæ баст сты. Сывæллон сыгъдæг сыфы хуызæн у. Æмæ йын йæ цардвæндаг, йæ уды цы миниуджытæ сырæзын кæнай, уымæй аразгæ у. Уыимæ ма дзы æрдзон курдиат, йæ туджы цы уа, уымæн дæр стыр нысаниуæг ис. Программа «Æндæхтæ»-йы уазджытæ курдиатджын сывæллæттæ. Цавæр курдиаттæ цæм ис, уый та фенут уæхи цæстæй.

Æгас Дунеимæ Ирыстон дæр цыппурсы мæйы фæстаг бон сæмбæлд Ног азыл. Фæлæ махæн, ирон адæмæн зæронд Ног аз раздæрау фарн хæссæг у. Афæдзы бæрæгбæттæн сæ фыццаг, сæ райдайæн. Проект «Æндæхтæ» бæрæгбонмæ бацæттæ кодта ног равдыст. Йæ архайджытæ дзы раргом кæндзысты фыдæлтыккон æгъдæуттæ.

Рагæй-æрæгмæ дæр ирон адæммæ ахсджиаг уыди лæппуйы афтæ схъомыл кæнын, цæмæй йæ бон хæдзар фæдарын дæр уа, æмæ æгъдау раттын дæр. Куыд æй ахуыр кодтой æмæ хъус цæмæ дардтой, уый тыххæй та дзурæм нæ программæйы.

Нæ фыдæлтæм хъæздыг адæймагыл нымад уыд бирæ зæххытæ кæмæн ис. Ирыстоны зæххытæ æгуыст цæмæн сты æмæ цавæр мадзæлттæ ис уый сраст канынæн радзурдзысты равдыст «Æндæхтæ»-йы уазджытæ.

Ирон сылгоймаг – бинонты цард рæсугъдгæнæг. Уый йæ сызгъæрин къухты фæрцы хьахъхъæны нæ рагфыдæлты æрмдæсныдзинад.

Уалдзæджы райдайæн – ног царды нысан у. Цавæр бæрæгбæттæ нæм баззад нæ фыдæлтæй. 

Ирон адæм зымæгмæ сæхи куыд цæттæ кодтой æмæ цавæр ирон национ зымæгон хъæзтытæ рохгонд не сты радзурдзысты равдыст «Æндæхтæ»-ы уазджытæ.

Нæ фыдæлты æгъдæутты рæсугъддæр Доныскъæфæнтæ, фæлæ стæмтæ зонынц йæ сæйраг мидис… Афæрсæм уæдæ нæ равдыст «Аендаехта»-йы уазджыты хъуыды ма кæнынц доныскъæфæнтæ æви нæ.

Куыд æмæ кæд бæрæг кодтой Ног аз рагзаманты? Равдыст «Æндæхтæ»-йы уазджытæ рааргом кандзысты ацы фа рстайы дзуапп.