1-æм сентябрæй фӕстӕмӕ, адæймаг фæсарæнты цы ахуырад райста, уый нæ бæстæйы нымад цæудзæн онлайн-хуызы. Йемӕ баст ӕппæт информаци та ӕрвыст цӕудзӕн сæрмагонд реестрмӕ.
Йæ саразыны тыххæй бадзырд бафыста Уæрæсейы хицауады сæрдар Михаил Мишустин. Паддзахадон лæггæдты порталы пайдагæнæджы хицæн кабинетмæ электрон хуызы æрвитдзысты йæ ахуыры тыххæй æппæт бæрæггæнæнтæ. Реестр бабæтдзысты, ныртæккæ цы информацион системæтæ кусынц, уыдонӕй се ‘ппæтимæ дæр. Ахæм хуызы, адæймаг фæсарæнты цы диплом райста, уый рæвдздæр йæ тыхы бацæудзæн нæ бæстæйы дæр. Дипломты хицæуттæ æмæ организациты та уæлæмхасæн гæххæттын æвдисæндартæ исын нал хъæудзæн.