13-ӕм майы онг Уæрæсейы хуссарварс уæлдæфон бастдзинад 11 горæтмæ нырма нæ уыдзæн. Уый тыххæй фехъусын кодтой дзуапдæттæг ведомствойæ.
Уæ зæрдыл уын æрлæууын кæндзыстæм, раздæр Уæрæсейы авиацийы минæвæрттæ сæ рейсытæ кæй баурæдтой 11 горæтмæ. Уыдон сты: Анапæ, Белгород, Брянск, Воронеж, Геленджик, Краснодар, Курск, Липецк, Ростов, Симферополь æмæ Элиста. Спайдагæнæн ис Сочи, Волгоград, Минводы, Стъарапол æмæ Мæскуыйы аэропорттæй. Дзæуджыхъæуы аэропорт кусы æрвылбоны фæткмæ гæсгæ.
