2-æм август у Уæлдæфон-десантон æфсæдты бон. Ацы æфсады хуыз баст у тых, хъæбатырдзинад æмæ Фыдыбæстæимæ æнувыддзинадыл.
Абон мысынц æфсады бонтæ стæй, йæ цард сабырдзинад хъахъхъæнгæйæ чи радта, уыдоны. Традицимæ гæсгæ Дзæуджыхъæуы дæр арæзт цæуынц ацы бонимæ баст мадзæлттæ. 1930-æм азы Мæскуыйы сарæзтой уæлдæфон æфсæдты равдысты ахуыртæ. Десантон хайады парашютисттæ рахызтысты хæдтæхæгæй æмæ иттæг хорз сарæзтой сæ хæслæвæрдтæ зæххыл. Уыцы зæрдылдарæн боны фæстæ рахастой уынаффæ Сырх æфсады Уæлдæфон-десантон æфсæдтæ саразын. Æмæ сæ сфидар кодтой 1932-æм азы.
Фыдыбæстæйы стыр хæсты авиадесантон хайæдтæ равдыстой стыр хъайтардзинад æмæ патриотизм. Æрвхуыз береттæ 1988-æм азæй архайдтой алыхуызон тохты Советон Цæдис æмæ фæсарæнты. 2000-æм азы мартъи Уæлдæфон- десантон æфсæдты историйы рауад уæззау. Хайæдтæ баурæдтой фыдгæнджыты æрбабырст, уыдонæй ныппырх кодтой 1 минмæ хæстæг. Фæлæ тохы фæмард Псковы десантникты æнæхъæн ротæ.
