Дзæуджыхъæуы æнæном цæугæдоны донвæд ныссыгъдæг кæндзысты æмæ фæивдзысты, цæмæй Шмулевичы æмæ Магкæты Зурабы номыл уынгтæ доны бын мауал фæуой.
Дзæуджыхъæуы администрацийы æмæ æрдзон æвæрæнты министрады специалисттæ, иртæстой Сапицкийы ‘рдыгæй хъæды фахсыл рæгътæ. Донвæдтæ сыгъдæг кæнын кæм хъæуы, уырдæм арвыстой сæрмагонд техникæ. Экскаватортæ арфдæр кæнынц цæугæдоны фæдтæ, сыгъдæг æй кæнынц быронæй, бæлæсты къалиутæй. Ныридæгæн банывыл кодтой 700 метрæй фылдæр. Дарддæр ма иувæрсты канал куы ссыгъдæг кæной, уæд дон Карца æмæ Спутникы поселокты нал фæстиат кæндзæн. Уыцы рӕтты ахæм куыстытæ рагæй нал цыд. Æппæт куыстытæ дæр баххæст кæнынвæнд кæнынц мæймæ.
