2021-æм азы 1-æм сентябрæй Уæрæсейы кусы гаражты амнисти

2021-æм азы 1-æм сентябрæй Уæрæсейы архайы гаражты амнисти. Уыцы ‘мгъуыдмæ адæмæн фадат ис хуымæтæггонд фæткмæ гæсгæ хи исбонады срегистраци кæнæн гаражтæ, стæй сын цы зæххы хæйттыл сты, уыдон. Ацы закъонмæ хауынц 2004-æм азы 30-æм декабры онг амад чи ‘рцыд, уыцы арæзтæдтæ. Ахсджиаг у æмæ ахæм объект хибарææй арæзт кæй не ‘рцыд. Амнистийы ‘руаджы йæ æнцондæрæй ис срегистраци кæнæн. Закъон йæ тыхы уыдзæн иннæ азы 1-æм сентябры онг. Цæмæй æнцонгонд фæткæй спайда кæна адæймаг, уый тыххæй йæ хъæуы бирæвæрсыг центрмæ курдиат бадæттын, кæнæ та бынæттон хиуынаффæйады оргæнтæм цалдæр хъæугæ документимæ фæсидын. Ныртæккæ ма цæттæ кæнынц иу ивддзинад. Ацы азы январæй Паддзахдон Думæ сфидар кодта закъоны проект зæххы бын цы гаражтæ ис, уыдоны фæдыл бартæ хъахъхъæнынæн. Снысан кæндзысты зæххы бын æмæ зæххыл граждайнаг гаражтæ. Ис бар, кæцы сæ хицæуттæн фадат дæтты ахæм объектты сæрмæ зæххы хæйттыл цалцæггæнæн куыстытæ кæнын. Ома дзы пайда кæнын æппæт хуызты дæр.