2021 азы сæрдыгон дзæбæхгæнæн кампанийы хатдзæгтыл æрныхас кодтой сæрмагонд къамисы æмбырды. Ацыд республикæйы хицауады сæрдары хæдивæджы хæстæ рæстæгмæ æххæстгæнæг Туганты Ларисæйы амындæй.
Сæрдыгон регионы куыстой 144 уагдоны, баулæфыд дзы 17 мин сывæллонæй фылдæр. Дзæбæхгæнæн лагертæм путевкæты 96 проценты рахай кодтой лæвар. Фыццаджыдæр сæ райстой зын уавæрты цæрæг бинонты сывæллæттæ. Сарæзтой сын профилон тематикон фæлтæртæ, культурон мадзæлттæ, бакуыстой алуыхуызон хъомыладон программæтыл.
Уæлдай æргом аздæхтой æдасдзинады фарстатæм, зынгсирвæзты æмæ терроризмы ныхмæ объектты цæттæдзинады фарстатæм. Сывæллæттæ лагерты цы рæстæг уыдысты, уыцы рӕстӕг æххæст кодтой санитарон æмæ эпидемиологон домæнтæ.
