2023-æм азы 93 бинонтæ райстой æххуыс, цæрæнуæттæ самал кæныны хъуыддаджы

2023-æм азы 93 бинонтæ райстой æххуыс, цæрæнуæттæ самал кæныны хъуыддаджы. Уый тыххæй фехъусын кодтой республикæйы арæзтады министрады. Цæгат Ирыстоны алы районы дæр æрыгон бинонтæн радтой цæрæнуæтты æвдисæндартæ. Дзæуджыхъæуы субсидитæ райстой 21 бинонтæ. Алагиры, Рахизфарсы æмæ Æрыдоны районты 13 бинонтæ. Мæздæджы районы 11 бинонтæ, Горæтгæрон – 7, Дыгуры – 6, Æрæфы – 5 æмæ Кировы районы – 4 бинонтæ. Уæ зæрдыл уын æрлæууын кæндзыстæм, фиддон райсыны бар ис æрыгон адæмæй 35 азы онг кæуыл цæуы æмæ сæ цард закъоны бындурыл чи сбаста, уыдонæн. Уыимæ ма хъуамæ уой фæкæсинаг. Социалон фиддонæй баххæст кæнæн ис хæдзары аргъы 30-35 проценты.