27-æм февралы Уæрæсейы бæрæг кæнынц сæрмагонд операциты тыхты бон. Сæ профессионалон бæрæгбоны фæдыл æфсæддонтæн æмæ ветерантæн арфæ ракодта Сергей Меняйло. Сæргълæууæг фæнысан кодта, ацы службæ домы уæлдай фæразондзинад, уды фидардзинад æмæ æфсæддон хæсмæ иузæрдиондзинад. Æфсæддон специалисттæ кусынц уæззау уавæрты, домынц хæдфидар уæвын æмæ хиуыл нæ ауæрдын. Абон уыдон Сæрмагонд æфсæддон операцийы зонæйы дарддæр æвдисынц хъайтардзинад æмæ æхсардзинад. Уæ зæрдыл уын æрлæууын кæндзыстæм, Владимир Путины указмæ гæсгæ бæрæгбон снысан кодтой 2015-æм азы. Бон – хуымæтæджы æвзæрст не ‘рцыд. 2014-æм азы 27-æм февралы æхсæв сæрмагонд дæлхайæдтæ сæххæст кодтой историон операци Хъырымы, сæ бæрны бакодтой æрдæгсакъадахы стратегион ахсджиаг объекттæ.
