Сергей Меняйло амыдта донивылдтытæ æмæ ӕмӕ зынгсирвӕзтыты ныхмæ мадзӕлтты фӕдыл æмбырд

27.02.2026 20:46

Фарон специалисттæ ссыгъдӕг кодтой Хъарман-Сындзыхъӕуы цур Урсдоны донвӕд, стӕй Фыййагдоны дон дӕр Нартыхъӕуы раз.

Сергей Меняйло амыдта донивылдтытæ æмæ ӕмӕ зынгсирвӕзтыты ныхмæ мадзӕлтты фӕдыл æмбырд. Фарон специалисттæ ссыгъдӕг кодтой Хъарман-Сындзыхъӕуы цур Урсдоны донвӕд, стӕй Фыййагдоны дон дӕр Нартыхъӕуы раз. Куыстытӕ конд æрцыдысты 8,5 километрыл. Ацы азы пъланы ма 8 километры. Æрдзон фӕрӕзтӕ ӕмӕ экологийы министр Бӕззаты Вадим куыд фӕбӕрӕг кодта, афтӕмӕй Дзуарыхъæуы, Фыййагдоны доныл 4,1 километрыл былгӕрӕттӕ фидар кӕнынц. Терчы рахиз фарсыл куыстытæ кæронмæ фæхæццæ кæнынц Беслæны дæр. Ацы аз ма хъуамæ фæуа Бехъаны цады ӕнцойгӕнӕн дамбӕйы бындурон цалцӕг. Дзæуджыхъæуы администрацийы сæргълæууæг Милдзыхты Вячеслав фехъусын кодта, Терчы цӕугӕдоны донвӕд хидты бынты сыгъдӕггонд кæй ӕрцӕудзӕн дыууӕ къуырийы ӕмгъуыдмӕ. Регионы разамонæг уæлдай æргом аздахын бабар кодта Мæздæджы районмæ дæр.

Предыдущий материал

ЦИПУ-йы экономикæйы факультеты аудиторитæй иуæн радтой Токаты Нохы ном

Следующий материал

27-æм февралы Уæрæсейы бæрæг кæнынц сæрмагонд операциты тыхты бон

Читайте также

Все новости