6 мæймæ Цæгат Ирыстоны уазджытæ æмæ цæрджытæ 23 милуан хатты спайда кодтой банчы картæтæй. 17 млрд сомы бӕрц бафыстой алыхуызон товартæ æмæ лæггæдтæн.
Ӕлхӕдтытӕн электрон хуызы фидын райдыдтой 39% арæхдæр. Уый – фаронимæ абаргæйæ. Цы æхца бахардз кодтой, уый та фæфылдæр 47% бӕрц. Афæдзы ‘рдæгмæ республикæйы банчы картæтæтыл бафтыд 874 мины. Цæгат Ирыстоны кусы 548 банкоматы æмæ 6 мин электрон терминалы.
Республикæйы Националон банчы куыд зæгъынц, афтæмæй Уæрæсейы банк стыр æргом здахы йӕ инфраструктурæйы рæзтмæ. Æххуыс ын кæны регионы хицауад дæр. Уæрæсейы Банчы хайад регионы хицауадимæ бафыста сæрмагонд бадзырд. Уымæ гæсгæ электрон хуызы фидыны гæнæнтæ хъæуы парахат кæнын, æмæ уыцы хъуыддагæн аразын хъæуы æппæт мадзæлттæ. Ныхас цæуы дæрддзæф хъæутæ æмæ горæттыл дæр. Проектыл кусдзысты афæдзы кæронмæ.
