Цæгат Ирыстоны парахат кæны «След у дороги», зæгъгæ, проект. Джызойты Ацæмæзы проект форум «Машук-2020»-ы рамбылдта грант. Афтæмæй йæ къухы бафтыд йе стырдæр бæллиц сæххæст кæнын. Ныр республикæйы кæмтты, хъæуты, культурон нысаниуæгимæ объектты фæзынд информацион стендтæ. Нысангонд дзы æрцыд историон фидæртты, фыдæлты мæсгуыты, кувæндæтты тыххæй информаци.
Сæ руаджы республикæйы цæрджытæ æмæ уазджытæ зонгæ кæнынц Цæгат Ирыстоны культурæ, архитектурæ æмæ историимæ. Сæрмагонд QR-кодты фæрцы бахизæн ис социалон хызæгты проектты официалон сыфтæм. Уым бæстондæрæй базонæн ис бынаты тыххæй.
