80 азы размæ 1943-æм азы фæцис Кавказы тох. Уый уыд Фыдыбæстæйы Стыр хæсты стырдæр æмæ уæззаудæр тохтæй иу. Аивта æгас хæсты цыд дæр. Ленинграды хъахъхъæнынады фæстæ дæргъвæтиндзинадмæ гæсгæ Кавказы тох уыд дыккаг. Нæ республикæйы сæйраг горæт у фашистты æфсад кæм фенкъуысыд æмæ фæстæмæ кæцæй ныййарц, ахæм бынат. Уæлахизæн ам стыр аргъ бафыстой. Хæсты быдыры Сырх æфсæддонтæй сæдæгæйттæ баззадысты.
Нæ республикæйы сæргълæууæг Сергей Меняйло раарфæ кодта, йæ цард Фыдыбæстæйæн чи радта, уыцы хъайтартæн. Регионы разамонæг куыд загъта, афтæмæй ныртæккæйы сабыр æмæ рæзгæ Кавказ никуы ферох кæндзæн сæ хъæбатырдзинад!
