Абон 100 азы сæххæст Æгъуызарты Æхсарбеджы райгуырдыл. Цæгат Ирыстоны адæмон фыссæг, сценарист райгуырд Зджыды. Астæуккаг скъола каст куы фæцис, уæд йæхи фæлварын райдыдта журналистикæйы. Куыста Алагиры районы газет «Сæуæхсид»-ы редакторæй. Фæстæдæр æй ахуыр кæнынмæ арвыстой педагогон институтмæ. Йæ литературон фæндаг райдыдта 50-æм азты. Уыдис Советон Цæдисы фысджыты цæдисы уæлдæр литературон курсыты рауагъдон. 1959 азы мыхуыры рацыдис йæ роман Хурхæтæн.
Фыссæг дзы раргом кодта, абон дæр ма ахсджиаг цы фарстатæ сты, уыдон. Фæстæдæр рацыд йæ чиныг «Куырды фырт», «Хæххон доны уынæр». Æгъуызарты Æхсарбег у Цæгат кавказы телевизион кинойы бындурæвæргыл. Разамынд лæвæрдта Цæгат Ирыстоны радио æмæ телеуынады паддзахадон комитетæн. Абон æй æрымысыдысты йæ хæлæрттæ, йæ хиуæттæ æмæ йæ зонгæтæ.
