РЦИ-Аланийы цӕрӕнуатон-коммуналон хӕдзарады специалисттӕ бабӕрӕг кодтой дондӕттӕн ӕмӕ донуадзӕн республикон куыстуаты базӕ

Доны республикон куыстуат бацæттæ кодта æрмæджыты æвæрæнтæ хъармгæнæн афонмæ. Республикӕйы сӕргълӕууӕг Сергей Меняйлойы амынддзинадмæ гæсгæ, цæрæнуатон-коммуналон хæдзарады специалисттæ бабæрæг кодтой дондæттæн æмæ донуадзæн республикон куыстуаты базæ. Къамисы уæнгтæ фæнысан кодтой: æвæрæнтæ фидаргонд домæнтæн дзуапп дæттынц. Скълӕдты ис алы диаметрты хӕтӕлтӕ, ӕхгӕнӕн арматурӕ, гидранттӕ ӕмӕ ӕндӕр ӕрмӕджытӕ — уый фаг у хызты хъыгдард хӕйттӕ рӕвдз ивынӕн. Зымӕгмӕ бацӕттӕ кодтой 125 аварион бригады, уыдонӕй 36 дзуапп дӕттынц хъарм дӕттынæн. Специалисттӕ цӕттӕ сты республикӕйы районты æнæнхъæлæджы уавӕртӕн дзуапп дӕттынмӕ.